Түркістан облысы Келес ауданында брокер (делдал) боп істейтін тұрғынды тонап кетті. Жәбірленуші полициядан көмек сұраған. Ол өзін түнде белгісіз біреулер ұрып-соғып, ішінде 360 мың теңге, 2000 АҚШ доллары және 57000 рубль, сондай-ақ Iphone екі телефоны болған барсеткасын тонап кеткенін хабарлады. Шығын – 2,7 млн теңге.
Ер адамның арызы Қылмыстық кодекстің 191-бабы 2-бөлігі “Тонау” бойынша тіркелді.
«Жедел-іздестіру іс-шараларының нәтижесінде 6 күдікті ұсталды. Олар Келес ауданы мен Шымкент қаласының тұрғындары болып шықты. Күдіктілерден заттай дәлел ретінде екі ұялы телефон мен ұрланған ақшаның бір бөлігі тәркіленді»,-деді облыстық Полиция департаментіндегілер.
Сонымен қатар күдіктілердің екеуі Келес ауданындағы кеден бекеті аймағында жұмыс істейтіні, олар жүк көліктерінің жүргізушілері мен брокерлерді бопсалаумен айналысқаны анықталды. Қазір сотқа дейінгі тергеу амалдары жүргізілуде. Ұсталғандардың басқа да қылмыстарға қатысы бар-жоқтығы мен оқиғаның мән-жайы анықталып жатыр.