Білім күні 1-сыныпқа барған балаларға 40 кг конфет шашу шашылды. Оның видеосын ТікТок қолданушысы жариялады.
«Немересенің 1 сыныпқа қадам басуына орай 40 кг конфет шашу шашты» деп жазды автор.
Видеодан орта жастағы әйелдің сөз сөйлеп тұрғанын көруге болады. Айтуынша, марқұм апасының аманатын орындау үшін мектепке арнайы келген. Кейіннен бірнеше әйел қорап-қорап тәттілерді балалар мен мектеп ішіндегілер шашу ретінде шашады. Жердегі конфеттерді оқушылар тармасып алып жатады.
Желі қолданушылары немересі үшін өміріндегі маңызды сәттердің бірін ерекше есте қаларлықтай еткен әйелге риза болып, қазақ тек қуанышты шашу шашқан деген пікірлерін жаудырды.
«Шашусыз қазақта қуаныш болмаған. Несі бар екен? Күшті», «Керемет», «Шашу ешқашан ысырап емес. Немересі халықтың баласы болсын», «Бастысы, балалар тармасып алып жатыр. Мәз», «Жомарт жан екен. Қолы ашық кісі екені көрініп тұр», «Келесі жылы мен немереме 50 кг конфет шашамын», «Тәттілер тек жақсылыққа шашылсын» деп жазды желідегілер.
