299
Түркістандық полицейлер, есірткі құралдарын заңсыз сақтады деген күдікпен егде жастағы бұрын соңды сотты болған азаматты ұстады. Оның қалтасын тінту барысында полиэтилен пакетіне салынған ерекше хош иісі бар марихуанаға ұқсас 10 ораманы тапты. Ал, пәтерін тінту кезінде, өзге де пакеттермен сіріңке қорабына салынған, сонымен қатар, шыны ыдыстан есірткі затын тәркіленді.
Құзырлы орган өкілдері алынған есірткіні сараптамаға жолдап, оның 5 келіге жуық марихуана екендігін анықтады. Қазіргі таңда күдікті қамауға алынып, қылмыстық іс қозғалды.
