ІІМ ТМД-елдерінің арасында алты ай сайын іздестіру операциясын жүргізеді.
Жүйелі жұмыстың нәтижесінде,криминалдық полиция қызметінің жедел уәкілдері іздеуде жүрген 2,5 мың қылмыскерді құрықтады.
Осы жылдың шілдесінде Шымкентте жедел-іздестіру іс-шаралары барысында біздің қызметкерлер 2018 жылы Дубайда кісі өлтіргені үшін іздеуде жүрген ер адамды ұстады. Сондай-ақ Таразда 2022 жылдың қарашасынан бастап Қарағанды облысының полиция департаментінің қатысуымен кісі өлтіруге оқталғаны үшін іздеуде жүрген екі азамат ұсталды, – деді ҚР ІІМ криминалдық полиция департаменті бастығының орынбасары Руслан Назаров.
ІІМ берген мәліметіне сәйкес, ұсталған қылмыскерлердің көшін есірткі қылмысына қатысы бар азаматтар бастап тұр:
87 есірткі қылмыскері,
34 кісі өлтіруші;
17 қарақшы;
84 тонаушы;
10 бопсалаушы;
11 зорлықшы бар.
