Шымкент қаласының тұрғындары кинотеатрларға көп баратындардың көшіне енді. Мұндай мәліметті Ұлттық статистика бюросындағылар ұсынды. Мәселен, өткен жылы кинотеатрларға барғандардың көпшілігі республикалық маңызы бар қалаларда болған:
Алматы қаласы – 6 233,1 мың рет барған;
Астана қаласы – 3552 мың рет барған;
Шымкент қаласы – 1264,7 мың рет барған.
Ал мұражайларға барушылардың ең көп саны Түркістан облысында (1492,5 мың адам) және Астана қаласында (643,1 мың адам) болған.
Сонымен қатар Ұлттық статистика бюросындағылар Қазақстанда барлығы қанша мәдениет және демалыс мекемелерінің жұмыс істейтіні туралы да ақпаратпен бөлісті. Бүгінгі таңда елімізде жалпыға бірдей қолжетімді 3917 кітапхана, 3102 мәдени-демалыс ұйымдары, 271 музей, 208 ойын-сауық және демалыс саябақтары, 105 кинотеатр, 73 театр, 44 концерттік ұйымдар, 13 зоологиялық бақ пен 3 цирк жұмыс істейді.
