489
Ақтөбеде білімін шыңдап, диплом алуға бара жатқан төрт мұғалім жантүршігерлік жол апатынан көз жұмды. Тағы екі педагог жансақтау бөлімінде жатыр.
Оқиға кеше, 1 мамыр күні Самара-Шымкент автожолының Қобда ауданы аумағында болған. «Лада Ларгус» автокөлігінің жүргізушісі «DAF» жүк көлігімен соқтығысқан.
Жол апаты салдарынан «Лада Ларгус» автокөлігінің үш жолаушысы оқиға орнында көз жұмды, ал біреуі ауруханада қайтыс болды. Ол Орал қаласы психологиялық-педагогикалық түзеу кабинетінің сурдопедагогы болған.
БҚО білім басқармасының мәліметінше, Орал қаласындағы №47 мектептің педагог-дефектологы, Бәйтерек ауданы Новенький мектебінің дефектологы және Казталов ауданы К.Меңдәлиев атындағы мектептің логопеді оқиға болған жерде жан тапсырған.
