Астанада әлеуметтік желі арқылы жас жігітпен танысқан бойжеткен қымбат бұйымынан айырылды. Жігіт бойжеткеннің үйіне ұрлыққа түскен. Polisia.kz жазуынша, жәбірленуші полицияға арызданған. Оның айтуынша, белгісіз біреу үйіндегі алтық сақинасын жымқырып кеткен.
Жедел-іздестіру жұмыстары кезінде күдікті ретінде 18 жасар тұрғын ұсталды. Тергеу барысында оның әлеуметтік желі арқылы қызбен танысқаны анықталды. Қысқа хат алмасудан кейін ол қыздың пәтеріне барып, танысуды сонда жалғастырған. Үй иесінің басқа жаққа алданып тұрғанын пайдаланған ол пәтер кілтін ұрлап алған. Бірнеше күннен кейін үйде ешкім жоқ екеніне көз жеткізіп, пәтердің есігін ашып кіріп, алтын сақинаны ұрлаған. Келтірілген шығын сомасы 2 млн теңгені құрады. Аталған фактіге қатысты Қылмыстық кодекстің 188-бабы (Ұрлық) бойынша сотқа дейінгі тергеу амалдары жүргізіліп жатыр. Жас жігіт кінәсін мойындады. Күдіктіден заттай дәлелдемелер тәркіленді.
