406
Әлеуметтік желіде жұрттың жағасын ұстатқан видео пайда болды. Бейнежазбаны @zhest_news Instagram паблигі жариялады. Автордың мәліметінше, оқиға Алматы облысы Талғар ауданында болған.
Видеода егде жастағы ер кісінің ақ күртеше киген азаматқа қатты ашуланғанын байқауға болады. Қария қолында жүк сөмкесі бар ер азаматтың артынан тепкілеп, сөмкесіне тап береді. Соған қарағанда зейнеткер оның бір жаққа баруына қарсылық танытқан сияқты. Кейін оны жерге құлатып, сөмке ішінен балтаны алып жерге бірнеше рет соққылайды. Тіпті жерде құлап жатқан еркектің қолын шауып тастамақ болады. Бұл жанжалдың соңы немен аяқталғаны белгісіз.
Полиция департаментіндегілер оқиғаның мән-жайын анықтап жатыр.
