150
2023 жылдың қаңтар-шілде айларында елімізде 1,7 млн тонна ұн өндірілді. Бұл өткен жылдың сәйкес кезеңімен салыстырғанда 3,7% артық (2022 жылғы қаңтар-шілде – 1,6 млн тонна).
Ұлттық статистика бюросының мәліметінше, импорт үлесіне ұнның 1,4%-ы тиесілі. Елге аталған өнімнің 24,2 мың тоннасы әкелінді. Импорт көлемі жеті айда 1,1% өсті.
Биыл экспортқа 1 млн тоннадан астам ұн жөнелтілді. Бұл өткен жылдың сәйкес кезеңімен салыстырғанда 10,7% артық. Ішкі нарықта барлығы 716 мың тонна өнім сатылды. Өткен жылмен салыстырғанда бұл 5,1% аз.
Естеріңізге сала кетейік, бүгінгі таңда бірінші сұрыпты бидай ұнының бір келісінің орташа бағасы 225 теңгені құрайды.
