Астанада Бөгенбай батыр даңғылындағы аяқ киім дүкенінде белігісіз біреудің жаңа аяқ киімді киіп, ескісін қорапқа салып, қалдырып кеткен сәті бейнебақылау камераларына түсіп қалған. Бұл туралы полицияға дүкен қызметкері хабарласып айтқан.
Кейінірек күдікті дәріханаға кіріп, сөреден екі дана памперсті алып, далаға шығып кеткен.
Жедел-іздестіру іс-шаралары барысында 18 жасар тұрғын ұсталды.
«Ұрланған мүлік жартылай тәркіленді. Күдіктінің тағы екі қылмысқа қатысы бар екені анықталды. Ұрлық фактісі бойынша сотқа дейінгі тергеу амалдары жүргізілуде. Жас жігіт кінәсін мойындап отыр»,-деді Полиция департаментіндегілер.
Күдікті уақытша ұстау изоляторына қамауға алынды. Полицейлер оның елорда аумағында бұрын жасалған осыған ұқсас қылмыстарға қатысы бар-жоғын тексеріп жатыр.
