456
Алматыда тағы бір жезөкшелер ордасы анықталды. Оны 34 жастағы кәсіпкер әйел басқарып отырған. Келіншек Шығыс Қазақстан облысынан келген екен.
«Сауықтыру массажы мекемесі ретінде танылған оның салонында 7 массажист-әйел жұмыс істеп келген. Жедел деректерге сәйкес, олардың қызметіне жыныстық қатынас та кіреді. Барлығы полиция басқармасына жеткізілді. Жеке басы қандай да бір заңсыз әрекеттерге қатысы бар-жоғы тексерілді. Үйдің иесі де анықталды. Ол жезөкшелікпен айналысуға үй-жай бергені үшін жауапкершілікке тартылды», – деді Алматы қалалық Полиция департаменті ұйымдасқан қылмысқа қарсы күрес басқармасының бастығы Жанат Нұрғалиев.
