180
Жол-көлік оқиғасы 17 тамыз сағат 00:05 шамасында Алтынсарин және Тәуелсіздік көшелерінің қиылысында болған.
ВАЗ 21099 автокөлігін тізгіндеген 22 жастағы жүргізуші Алтынсарин көшесімен келе жатып, солға бұрылған кезде 24 жастағы жүргізушінің басқаруымен қарсы бағытта келе жатқан Toyota Camry көлігіне жол бермеген. Соның салдарынан Toyota көлігі Volkswagen Golf автокөлігімен соқтығысқан.
Полиция хабарлауынша, жол апатынан Toyota-ның жүргізушісі мен жолаушысы зардап шекті. Сондай-ақ көлікте 3 айлық нәресте болған. Ол алған жарақаттың ауырлығына байланысты қайтыс болды.
Volkswagen автокөлігінің жүргізушісі мен жолаушысы да зардап шегіп, ауруханаға жеткізілді.
Қылмыстық кодекстің 345-бабы 3-бөлігі бойынша сотқа дейінгі тергеу басталды.
