Шығыс Қазақстан облысы Қатонқарағай ауданындағы Қабырға ауылында бір үйден екі адамның мәйіті табылды. Оқиға 17 желтоқсанда болған. Полицияға зорлықпен өлтіру белгілері бар 59 және 29 жастағы екі ер адам мәйітінің табылғаны туралы хабарлама келіп түскен. Қазіргі таңда Қылмыстық кодекстің 105-бабы (Өзiн-өзi өлтiруге дейiн жеткiзу) және 99-бабы (Адам өлтіру) баптары бойынша сотқа дейінгі тергеп-тексеру әрекеттері басталды.
Polisia.kz жазуынша, алдын ала болжамға сәйкес әкесі ұлына тіркелген аңшылық мылтықтан оқ жарақатын салған, одан ұлы қайтыс болған. Содан кейін ер кісі өз-өзіне қол жұмсаған. Қазіргі уақытта істің мән-жайын жан-жақты, толық және объективті зерттеуді қамтамасыз етуге бағытталған қажетті тергеу әрекеттері жүргізілуде. Сот сараптамалары тағайындалды.
