Полицияның “102” арнасына мал ұрлығы туралы шағым келіп түскен. Жергілікті тұрғынның айтуынша, ол жайылымға 13 қой жіберіп, біраз уақыттан кейін оралғанда үш бас малы жоғалғанын білген.
Жәбірленушінің арызы бойынша Қылмыстық кодекстің 188-1 бабы бойынша тергеу басталды. Мал ұрысын анықтауға жергілікті полиция қызметкерлері мен жедел уәкілдер жұмылдырылды.
Ұрланған мал бұрын солардың біріне орнатқан GPS құрылғысының көмегімен табылды.
«Қойлар жеке үйдің ауласынан табылды. Үй иесі оның танысы малға қарай тұруды сұрағанын айтты. Күдікті тұрғылықты мекенжайында ұсталды. Белгілі болғандай, иесіз жайылып жүрген малды байқаған қаскүнем көлігіне бірнеше қой салып алып, ізін суытқан. Қазір ұсталғанға қатысты ешқайда кетпеу туралы қолхат түріндегі бұлтартпау шарасы қолданылды» деп хабарлады полициядан.