Шымкентте есірткі бизнесін кәсіп еткен тұрғындар ұсталды. Оның екеуі «Достық» мөлтек ауданындағы жол бойынан құрықталған. Олардан полиэтиленді 2 пакет ішіне салынған есірткі заттары тәркіленіп алынған.
Шымкент қалалық Полицияға департаментінің мәліметінше, жедел-іздестіру іс-шараларын жалғастыру барысында ұсталған екі азаматпен сыбайлас тағы бір тұрғын «Қайнар бұлақ» тұрғын үй алабындағы тұрғылықты жерінен ұсталыпты. Оның үйінен 1 қапқа салынған есірткі заты табылған.
«Сараптама қорытындысына сәйкес, тәркіленген заттар «кептірілген марихуана» екендігі анықталып, жалпы салмағы – 7 кг 188 гр құрады. Атап өту қажет, құрықталған қылмыстық топ мүшелерінің барлығы бұрын қылмыстық жауапкершілікке тартылып, сотты болған. Бүгінде аталған азаматтарға қатысты сотқа дейінгі тергеп-тексеру жұмыстары жүргізілуде. Күдіктілер қамауға алынды»,-деді Полиция департаментіндегілер.
