Шымкенттік полицейлер жедел-іздестіру іс-шарасы барысында қаладағы жалдамалы пәтерлердің бірінде есірткі заттарын жасырған 41 жастағы әйелді құрықтады. Сондай-ақ оның тұрғылықты мекенжайынан полиэтиленді пакетке салынған ұнтақ тәріздес есірткіге ұқсас зат тәркіленіп алынды.
Сараптама қорытындысына сәйкес, тәркіленген зат «мефедрон» екендігі нақтыланып, жалпы салмағы 101 грамды құраған.
Тергеу барысында күдіктінің есірткі затын ары қарай өткізу үшін жасырғаны белгілі болды.
«Қазіргі таңда Қылмыстық Кодекстің 297-бабы 3-бөлігімен (есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) іс қозғалды. Сотқа дейінгі тергеп-тексеру амалдары жүргізілуде» деп атап өтті қалалық Полиция департаментіндегілер.
Күдікті уақытша ұстау изоляторына қамауға алынды.