Шымкентте оқу орындарының бірінде оқитын студент қызды әлдекімдер күштеп алып қашты. Оны студенттердің бірі видеоға түсіріп алған. Бейнежазба әлеуметтік желілерде тарады. Көп ұзамай қалалық Полиция департаменті аталған видеоға қатысты пікір білдірді. Полицейлер аталған фактіні Қылмыстық кодекстің 125-бабымен (Адам ұрлау) тіркеген.
«Полиция қызметкерлері тексеру жүргізіп, бейнежазбада көрсетілген тұлғаларды анықтады. Жауап алу барысында Түркістан облысының тұрғыны Шымкент қаласындағы оқу орындарының бірінде білім алып жүрген таныс қызды үйлену мақсатында ұрлап кеткені анықталды» деп атап өтті Полиция департаментіндегілер.
Студент қыз тұрмысқа шығудан бас тартқан және орын алған жайтқа қатысты ешкімге ешқандай шағымы жоқ екенін көрсетіпті. Дегенмен полицейлер қазіргі таңда болған оқиғаны тергеп-тексеруді жалғастыруда.
