Шымкентте автокөлікке қысылып қалған жүргізушіге көмек көрсетілді.
Шымкент қалалық Төтенше жағдайлар департаментінің «112» құтқару қызметіне 19 шілдеде сағат 14.30-да Сайрам тұрғын алабындағы Ибрагим ата көшесі бойында жол-көлік оқиғасы болғаны туралы хабарлама келіп түсті. Жол апаты салдарынан көлік ішінде қысылып қалған адамға көмек қажет болған.
Жедел-құтқару жасақтың құтқарушылары оқиға орнына жедел жетіп, “BMW-525” және ВАЗ-21099 маркалы автокөліктердің соқтығысуы салдарынан ВАЗ-21099 көлігінде қысылып қалған 2003 жылы туған жүргізушіні авариялық-құтқару құрал-жарақтарын көмегімен сыртқа алып шықты. Сонымен бірге жол-көлік оқиғасына ұшыраған көліктерінде өртті алдын алу мақсатында аккумулятордан тоқ көздерін ажыратты.
Зардап шеккен жүргізушіні түрлі дене жарақатымен жедел жәрдем қызметкерлеріне тапсырды. Жол-көлік оқиғасы өртсіз болды.
