367
Шымкентте ертең, 2 қыркүйек күні «Асар» шағынауданындағы қалалық клиникалық балалар ауруханасында Ашық есік күні өтеді. Бұл күні дәрігерлер оқушыларды мектеп алды тегін профилактикалық тексеруден өтуге шақырады. Мамандар сағат 09:00-14:00 аралығында қабылдайды.
Әкімдіктің баспасөз қызметінің мәліметінше, оториноларинголог, стоматолог, онкогематолог, педиатр, уролог, нефролог, кардиолог, травматолог дәрігерлерінен кеңес алуға болады.
Қабылдауға келу үшін арнайы жолдаманың қажеті жоқ. Аурухананың «Б» корпусындағы сәулелі диагностикалық орталығында қабылдау жүргізіледі.
