Түркістан қаласында тұратын ер кісі қайын атасының үйіне ұрлыққа түсіп, ұсталып қалды. Оның ұрлық жайтының 4 дерегіне қатысы бары анықталған.
Полицейлерге әккі ұрының қайын атасы арызданған. Оның айтуынша, белгісіз біреу үйінің алдындағы темір қақпасын қолды еткен. Арыз Қылмыстық кодекстің 188-бабы «Ұрлық» бойынша тіркелді.
«Жүргізілген шұғыл жұмыстардың нәтижесінде темір қабылдайтын орындардың бірінен ұрланған қақпа табылды. Одан соң қақпаны жымқырған күдіктінің жеке басы анықталып, полиция басқармасына жеткізілді. Анықталғандай, күдікті ер адам жәбірленушінің күйеу баласы болып шықты. Ол қайын атасының ешкім тұрмайтын екінші үйіне ұрлыққа түскен» деп атап өтті облыстық Полиция департаментіндегілер.
Ұрлық фактісіне қатысты сотқа дейінгі тергеу амалдары жүргізілуде
