Жамбыл облысы Тараза қалалық полиция басқармасына мөлтек аудандардың бірінде тұратын тұрғын арызданған. Оның айтуынша, белгісіз адамдар үйіне ұрлыққа түскен. Дәл сол күні тағы бір тұрғын үйіне ұры түскені туралы арызбен шағымданған.
Дереу іздестіру жұмыстарына кіріскен тәртіп сақшылары облыс орталығының 36 және 25 жастағы тұрғындарын ұстады. Олардың үйінен барлық айғақ заттар (5 дана жылытқыш батареялары, жеке заттар салынған чемодан, теледидар, ноутбук, 15 үстел және т.б.) тәркіленді. Күдіктілер өз кінәларын толық мойындап, уақытша ұстау изоляторына қамауға алынды.
«Екі үйге келтірілген шығынның көлемі 1 миллион 375 мың теңгені құрадыҚылмыстық кодекстің 188-бабының 3-бөлігімен (Ұрлық) тергеу амалдары жүргізілуде»,-деді Полиция департаментіндегілер.
