424
Түркістан облысы Жетісай ауданында тұратын әйел қызын жоғары оқу орнына грантқа түсіремін деп қомақты қаржысынан айырылды. Оның айтуынша, осылай деп уәде берген танысы 1 миллион теңгені алған соң хабарсыз кеткен.
Жәбірленушінің арызы Қылмыстық кодекстің 190-бабы “Алаяқтық ” бойынша тіркелді.
Полицейлер күдікті ретінде жұмыссыз жүрген Шымкент қаласының тұрғынын анықтады. Белгілі болғандай, сезікті әйел Жетісайға қыдырып барған. Ал алаяқтықпен алған ақшаны өз қажеттілігіне жаратып жіберген. Тәртіп сақшылары оның бұдан басқа да қылмыстарға қатысы бар-жоқтығын анықтап жатыр.
