Жамбыл облысында жедел-профилактикалық іс-шарасы кезінде үш күн ішінде түрлі калибрлі 13 қару мен 345 патрон тәркіленді. Табылған қарулардың ішінде “АК-47” автоматы, Макаров тапаншасы, “ТОЗ” маркалы екі тегіс ұңғылы мылтық, “ИЖ”, “ТОЗ”, “Моссберг” маркалы 7 бір тегіс ұңғылы мылтық, газ-травматикалық, газ және травматикалық тапаншалар, сондай-ақ ПМ-ге арналған 3 оқжатар және 345 патрон бар.
Атап айтқанда, Тараз қаласының шетінде бетон плитаның астынан зауыттық нөмірлері механикалық өшірiлген “АК-47” автоматы, 9 мм калибрлі патроны бар “Байкал” травматикалық тапаншасы, 7,62 мм калибрлі 20 патрон табылды. Ал Байзақ ауданындағы Талас өзені көпірінің астынан скотчпен оралған газет бумасы анықталды. Оның ішінде екі оқжатар және бес патроны бар 9 мм калибрлі Макаров тапаншасы болған. Сол күні Мойынқұм ауданы Қылышбай ауылының шетінде орналасқан шаруа қожалығындағы 38 жастағы малшыдан 12 мм калибрлі “ИЖ-18” маркалы бір тегіс ұңғылы аңшылық мылтық тәркіленді.
Полиция департаментінің мәліметінше, барлық қаруларға сот-баллистикалық сараптама тағайындалды.
