Жетісуда 5 жасар науқас қызын өлтірген ана мен оның сыбайласы сотталды. Сот үкімі Жетісу облысының қылмыстық істер жөніндегі сотында оқылды. Бұл туралы Stan.kz сайты жазды.
Бүлдіршіннің денесі мамыр айында Сарқанд маңындағы кірпіш зауытының жанындағы полигоннан табылған болатын. Көп ұзамай полицейлер марқұмның 19 жастағы анасын ұстады. Ол қыздың ақпан айында аурудан қайтыс болғанын айтқан. Әйелдің айтуынша, бүлдіршін церебральды сал ауруына шалдыққан және ақыл-ойы кем.
Соттың дерегінше, сотталушылар қатарында марқұм қыздың анасы мен оның ағасы. Олар Сарқан қаласының сыртында орналасқан кірпіш шығаратын зауыттың маңындағы қоқыс төгетін орынға келіп алдын ала сөз байласу арқылы еш қарсылық көрсете алмайтын дәрменсіз жатқан жас баланы қылқындырып өлтірген. Содан соң мәйітті жасырып, екеуі оқиға орнынан кетіп қалған.
Сот үкімімен бүлдіршіннің анасы мен оның ағасы Қылмыстық кодекстің ҚК-нің 99-бабының 3-бөлігі бойынша кінәлі деп танылды. Оларға 15 жылға бас бостандығынан айыру жазасы тағайындалды. Айта кетейік, сот үкімі заңды күшіне енген жоқ.
