374
Шымкентте 196 орам мекенжайында орналасқан №2 мамандандырылған халыққа көмек көрсету орталығында өрт шықты.
Оқиға бүгін, 26 қыркүйекте кешкі уақытта болған. Өрт туралы «101» диспетчерлік қызметіне сағат 17:25-те хабарлама келіп түскен.
Орталыққа шұғыл жеткен өрт сөндірушілер ғимараттың 65 шаршы метр шатыры жанғандығын анықтаған. Оқиға орнына Өрт сөндіру қызметінің 74 қызметкері, 17 техникасы жұмылдырылды.
«Қызыл жалын сағат 17:56-да оқшауланып, сағат 18:02-те толығымен сөндірілді. Зардап шеккендер мен қайтыс болғандар жоқ. Алдын ала болжам бойынша өрт қысқа тұйықталудан орын алды” делінген ТЖД мәліметінде.
