428
Шымкентте «Самал» базарының маңында өрт шықты. Оқиға туралы «101» диспетчерлік пультіне 1 тамызда сағат 10.37-де хабарлама келіп түскен.
Қалалық Төтенше жағдайлар департаментінің мәліметінше, базар артында орналасқан аумағы 60 шаршы метр ғимараттың шатыры толығымен жанып кеткен. Сонымен қатар ғимарат жанында тұрған «KIA OPTIMA» маркалы жеңіл автокөлігінің алдыңғы бөлігі еріген.
«Өрт сағат 10:55-те оқшауланып, сағат 11:05-те толығымен сөндірілді. Қызыл жалынды сөндіруге Өрт сөндіру қызметінің 12 қызметкері мен 3 техникасы, Апаттар медицинасы орталығы филиалының 1 бригадасы жұмылдырылды. Зардап шеккендер мен қайтыс болғандар жоқ. Өрттің шығу себебі анықталуда» делінген ТЖД мәліметінде.
