Шымкент қаласындағы №1 қалалық клиникалық аурухананың трансплантолог-дәрігерлері тірі донордан жасалған кезекті – 235-ші бүйрек трансплантациясын сәтті аяқтады деп хабарлады қалалық денсаулық сақтау басқармасының баспасөз қызметі.
Бұл жолы 1982 жылы туған әйел өз туған сіңлісіне (1983 жылы туған рецепиентке) өмір сыйлады. Науқас 2022 жылдан бері созылмалы терминальді бүйрек жетіспеушілігі диагнозымен ауырған. Ол нефролог дәрігердің бақылауында болып, 2024 жылдан бастап бағдарламалық гемодиализден өтіп келген.
Сәтті өткен отадан кейін донор мен рецепиент жансақтау бөлімінде дәрігерлердің бақылауында болды. Қазіргі таңда екеуі де хирургия бөліміне ауыстырылды. Екі пациенттің де жағдайы жақсы. Қалыпты өмірге оралған рецепиент пен донор медицина қызметкерлеріне шексіз алғысын білдірді.
