Жәбірленушінің адвокаты Бишімбаевтан Нүкеновамен бірге тұрған кезде қанша жалақы алғатынын сұрады.
“Ресми тіркелген жерімнен – айына 1 миллион теңге алдым. Ал мейрамхананың кірісіне байланысты табысым 8-ден 15 миллион теңгеге дейін болды”, – деп жауап берді Бишімбаев.
Одан бөлек экс министр, “БАУ” мейрамханасын басқаратынын және оған иелік ететінін жеткізді. Ал Гастроцентр акцияларының бірі Бишімбаевтың анасына тиесілі екен.
Қылмыс Бишімбаевтың мейрамханасында болды деп айтуға бола ма деген сұраққа сотталушы: “Иә, барлық жерде осылай жазып жатыр” деп жауап берді.
Айта кетейік, осыған дейінгі сот процесінде Бишімбаев әйелі Салтанатты осы мейрамханада әбден соққыға жыққаны белгілі болған еді. Тіпті, шашынан сүйреп, тепкінің астына алғаны бейнекамераға түсіп қалған.