Асанбай Асқаров атындағы №77 мектептің 6 шы сынып оқушысы Жахангер Алпамысұлы, «DARYN ECOART» қалааралық көркем қолөнер қолданбаларының экологиялық конкурсында екінші орын иегері атанды. Ол. Төрт түліктің жауырын сүйегінен мүсін жасап, көзге түскен. Жеңімпаз өзінің жеңісін ел тарихындағы ойып алар орны бар Асанбай Асқаровтың 100 жылдығына арнады.
Асанбай Асқаровтың тарих ғылымына қосқан үлесі зор. Халқымыз ірі тұлғаларға бай. Қазақты қазақ етіп, оның тарихын жасаған, айтулы ұлттардың қатарына қосып, әлемге атын шығарған да осы тұлғаларымыз. Оларды дәріптеу, кейінгі ұрпаққа таныстыру — үлкен тәрбиелік мәні бар өзекті мәселе.
Еліміздің өркендеуіне адал қызмет еткен, көрнекті қоғам қайраткерлерінің де ел басқарған, өнегелi өмірлері жан-жақты зерттелуде. Солардың бірі Асанбай Асқаровтың ел тарихындағы ойып алар орны бар.
Биыл көрнекті мемлекет және қоғам қайраткерінің туғанына 100 жыл толды. Ол туралы жазба, мақалалар, қайраткердің өзі дүниеден озса да, артына қалдырған рухани дүниесінің тозбайтындығы, оның мол мұрасы келешек ұрпақ тағылым алар халық қазынасына арналады.
Тарихты білу сондай-ақ, өткен аға ұрпақтың мақтаныш етер игі істерін үлгі етіп, ұлттық намыс, рухты көтеруге үлкен ықпалын тигізеді. Рухы мықты ел ешқашан жоғалмайды, ешкімге намысын таптатпайды. Асанбай Асқаров тарихшы, қоғамтанушы-зерттеуші, мемуаршы ғана емес, көзінің тірісінде үлкен ғалым екенін де танытып үлгерген жан.
Асанбай Асқаров 1922 жылы 15 қыркүйекте Жамбыл облысы. Меркі ауданы, Тәтті ауылында дүниеге келген. Дуалт тайпасының ботпай руынан шыққан. Шаруаның ұлы. А.А. Асқаров мектептен кейін Фрунзедегі педагогикалық училищені 1939 жылы бітіріп, еңбек жолын мектепте орыс тілі пәнінің мұғалімі болып бастайды. 1942-1946 жылдары әскери міндетін өтеді, полк мектебінде, саяси училищеде оқыды. Полковник. Әскерден оралған соң Мерке аудандық комсомол комитетінің бірінші хатшысы, Жамбыл облыстық комсомол комитетінің бірінші хатшысы, Жамбыл облыстық компартиясының бюро мүшесі болған.
