Биыл Шымкентте қала күнін мерекелеу кең көлемде өтті. Қала тұрғындары мен қонақтары бұл мерекені бір апта бойы атап өтті. Онда спорттық ойындардан бастап мәдени шараларға дейін түрлі бағыттағы 20 ірі іс-шара өтті.
Осы кезеңде қала күнін шымкенттіктермен бірге атап өтуге арнайы келген туристердің көп болғаны айтылды.
Мереке Жастар лигасы жобасының фан-клубтарының шеруімен басталды. Сондай-ақ мереке қарсаңында «Bee-battle» ойынында жастар би өнерінен сайысқа түсті. Өткен аптада Шымкентте Шәмші Қалдаяқовтың шығармашылығына арналған концерт өтті. Осы күні қала әкімі 10 тұрғынға «Шымкент қаласының Құрметті азаматы» белгісін салтанатты түрде табыс етті.
Бұл күндері арнайы акция аясында қала тұрғындары сауда орталықтарында медицина қызметкерлерімен кеңесіп, қан тапсыру арқылы өзгелерге көмектесуге мүмкіндік алды.
Қазақстанның үшінші мегаполисінде еліміздің өзге облыстарынан, Өзбекстан мен Қарақалпақстаннан келген киногерлер екінші рет «Shymkent Nomad Film» қысқаметражды фильмдер фестиваліне жиналды. Барлығы әртүрлі тақырыптағы 20-ға жуық жұмыс ұсынылды.
Қолөнершілер де мерекені атап өтуден шет қалмады – үздік қазақстандық тауарлар мен ауыл шаруашылығы өнімдерінің қалада үш жәрмеңкесі ұйымдастырылды. Ауыл шаруашылығы жәрмеңкесінде 200-ге жуық тауар өндірушілер өз өнімдерін – барлығы 100 тонна тауарын ұсынды.
Спорт сүйер қауым үшін сенбі күні 500-ден астам адам қатысқан 5 шақырымдық жаппай жүгіру өтті. Отбасылар үшін Otbasy fest өтті. Ыстық күндерде балмұздақ әуесқойлары үшін бірінші Balmuzdaq Fest өтті, оны туризм және сыртқы байланыстар бөлімі ұйымдастырды.
Қала күнін мерекелеу жексенбі, 19 маусымда Әл-Фараби алаңында «Шарықтай бер, Шымкент!» гала-концертімен аяқталды. Оған Әйгерім Қалаубаева, Ғазизхан Шекербеков, Ляйля Сұлтанқызы және Нұрсұлтан Құрман жетекшілік етті. Жүргізушілер көрермендермен белсенді араласып, мерекелік көңіл-күй сыйлады.
«Құрметті шымкенттіктер! Баршаңызды қала күнімен құттықтаймын! Шымкенттіктердің орташа жасы 28 жас, қала жастар қаласы. 2 200 жылдан астам тарихы бар қаланың мегаполиске айналғанына биыл төрт жыл толып отыр. Осы уақыт ішінде қалада көптеген өзгерістер болып, Шымкент бұрын-соңды болмағандай дами бастады. Бүгін біздің футболшылар да қала күніне сыйлық жасады. «Ордабасы» клубы «Таразды» 3:2 есебімен ұтты. Осы мерекелік концертті ұйымдастырушыларға үлкен алғысымды білдіремін. Шымкент қаласы дами берсін!». – деп барша жиналғандарды қала әкімі Мұрат Әйтенов құттықтады.
Мұнан соң қазақ эстрадасының жұлдыздары көпшілікке әннен шашу шашты. Қала тұрғындары мен қонақтары алдында Заттыбек, Медеу Арынбаев, Бауыржан Исаев, Әйгерім Қалаубаева, Ғазизхан Шекербеков, «Жігіттер» тобы және тағы басқалар сөз сөйледі.
Шымкенттің құрылғанына 2 200 жылдан асты. Бұл күн 2019 жылдың қарашасында өткен ЮНЕСКО-ның 48-ші конференциясында сараптамадан кейін танылды. Қаланың 2 200 жылдығын мерекелеу ЮНЕСКО-ның 2020 жылғы күнтізбелік даталарына енгізілді.
