454
Ақмола облысындағы Астана су қоймасында суға кеткен 27 жастағы қыздың денесі әлі табылмай жатыр. Төтенше жағдайлар департаментінің мәліметінше, оқиға 19 шілде күні болған. Ол су қоймаға құрбыларымен бірге демалуға барған екен.
«Кешкі сағат 21:03 шамасында 20 метр тереңдіктегі Астана су қоймасында жағадан 250-300 метр қашықтықта су гидроциклінен құлаған 1995 жылғы қыздың суға батып кеткені туралы хабар келіп түсті. Қазіргі уақытта құрамында 10 адам, іздеу иті және екі моторлы қайығы бар құтқарушылар тобы бойжеткенді іздестіруде», — деді Төтенше жағдайлар департаментіндегілер.
Айта кетейік, суға батып кеткен бойжеткен БАҚ саласында еңбек етеді.
