Оқиға кеше мектепте болған. № 36 мектеп-гимназиясының оқушысын ата-анасы балалар ауруханасына жеткізген. Дәрігерлер жасөспірімге «бет-жақ сүйегінің сынуы» диагнозын қойыпты. Алғашқы көмек көрсетіліп, емдеуге жатқызылды. Бетінің ісігін қайтару үшін ем-дом да басталған. Ауруханада бет хирургының болмауына байланысты, Орал қаласы ауруханасына порталмен салу үшін сөйлестік,- дейді балалар ауруханасы бас дәрігерінің орынбасары Орындық Жұбанқызы. Бірақ ата-анасы балаларын өз беттерінше емдететінін айтып, алып кеткен.
Аталған фактіге қатысты полиция Қылмыстық кодекстің « Денсаулыққа қасақана ауырлығы орташа зиян келтiру» бабымен тергеп-тексеру амалдарын бастап кетті.
№ 36 мектеп-гимназиясының 9,10,11 сынып оқушыларына түсіндірме жұмыстары жүргізілді.
Жасөспірімдердің өзінен кіші балаға неге әлімжеттік жасағанын тергеу анықтайтын болады. Олар оқиғадан соң видео түсіріп, әлеуметтік желіге жүктеген. Онда бір баланы әбден ұрғанын мақтана айтып, «еміне ақша жинау керек»,- дейді. Тіпті бет-жүздерін анық түсіріп, қылмыстық іс бойынша тергелетінін айтады. Оқушылардың тәртібі мен сол күні мектепте неге қараусыз қалғаны да белгісіз. Мектеп-гимназия директорымен байланысу мүмкін болмады.
