Тәртіп сақшылары аулаларды, саябақтарды және жастар көп жиналатын орындарды тексеріп, нәтижесінде сағат 23:00-ден кейін ата-анасының қарауынсыз жүрген 30-ға жуық жасөспірімді қалалық басқармаға жеткізді. Түнгі рейдте ұсталған балалардың ата-аналары шақырылып, әкімшілік жауапкершілікке тартылды.
-Көктем мезгілі басталып, күн жылынған уақытта түнгі мезгілде бақылаусыз жүретін жасөспірімдер көбейеді. Олар компьютер клубы, ойын-сауық орталықтарына үйір болады. Ал түнгі уақыт әрдайым қауіпсіз бола бермейді. Себебі, көбінесе жасөспірімдер қылмысының көпшілігі ата-ананың бақылауынсыз қалған балалардың қатысуымен орын алады, — дейді Атырау қаласы Полиция басқармасының ювеналды полиция бөлімшесінің бастығы Азамат Қарамұратов.
“Құқықтық тәртіп” онкүндігі 24 сәуірге дейін жалғасады.
