Қазақстандық оқушылардың мектепте білім алу уақыты екі аптаға созылды. Бұл туралы Оқу-ағарту министрінің бірінші орынбасары Шолпан Каринова Facebook парақшасында жазды.
«ҚР Оқу-ағарту министрінің жаңа 2022-2023 оқу жылын бастау жөніндегі бұйрығы қабылданды. Жаңа оқу жылы 36 оқу аптасынан тұрады. Оқу жылы 1 қыркүйекте басталып, 31 мамырда аяқталады. Жаз бойы балалар демалады» делінген жазбада.
Оқу жылындағы демалыс күндері:
— 1–11 сыныптарда: күзгі – 7 күн (2022 жылғы 31 қазаннан 6 қарашаға дейін ), қысқы – 9 күн (2022 жылғы 31 желтоқсаннан 2023 жылғы 8 қаңтарға дейін), көктемгі– 9 күн (2023 жылғы 18 наурыздан 26 наурызға дейін);
— 1 сыныптарда қосымша демалыс – 7 күн (2023 жылғы 6 ақпаннан 12 ақпанға дейін). Яғни, жаңа оқу жылында бірінші сынып балалары 35 апта, ал 2-11 сынып оқушылары 36 апта оқиды.
