251
Шетелдік жүк көлігі мен жол талғамайтын ауыр техника бетпе-бет түйіскен. Соққының ауыр болғаны соншалық, көліктердің кабинасы қирап, сау-тамтығы қалмаған. Тіпті дөңгелектері айналада шашылып жатыр. Оқиға куәгерлерінің сөзінше, көліктің бірінің жүргізушісі мал тасумен айналысады. Ал екінші көлікке тиелген әлдебір қораптар айнала шашылып жатыр. Құрбан болғандар мен жараланғандар туралы ақпарат әзірге жоқ. Бірақ жол апатын видеоға түсірген жолаушылар мынадай апаттан тірі қалу екіталай екендігін айтып жатыр.
