350
Қайғылы оқиға Орал-Атырау тас жолында болған. Оралға бағыт алған «Тойота Камри» автокөлігінің жүргізушісі рөлге ие бола алмай қалған. Қазір апат себебін анықтап жатқан полиция болжамы осындай. Көлік рөлінде 34 жастағы келіншек болған. Оның беті көгерсе, қасында отырған күйеуі кеуде тұсынан жарақат алған, миы шайқалып, омыртқасына зақым келген. Жол апаты салдарынан кішкентай бала қаза тапты. Үш жасар бүлдіршін жедел жәрдем келгенше көз жұмыпты. Қазіргі кезде БҚО полиция департаменті ҚР ҚК 345-бабына сәйкес сотқа дейінгі тергеу амалдарын бастаған.
