371
Маңғыстау облысы Қарақия ауданының тұрғыны Түркия елінен тиімді бағада тауар аламын деп алаяқтың құрбаны болды. Бұл туралы ол полицияға арызбен жүгінген. Айтуынша, бойжеткен жәбірленушіден 300 мың теңгеге жуық қаражат алып, арзан бағада тауар жеткізіп беруге уәде еткен. Алайда арада уақыт өтіп не ақшасын қайтармаған, не тауар әкеліп бермеген.
Облыстық Полиция департаментінің мәліметінше, жедел-іздестіру шаралары нәтижесінде алаяқтық жайтына қатысы бар деген күдіктінің жеке басы анықталды. Ол 24 жастағы жергілікті тұрғын болып шықты. Аталған дерек Қылмыстық кодекстің 190-бабы (алаяқтық) бойынша тіркелді. Тергеу амалдары жүргізілуде. Оқиғаның мән-жайын полицейлер анықтайтын болады.
