383
Абай облысындағы Жарма ауданы, Бозжырау ауылдық округінде дала өртін сөндіру кезінде қайтыс болған қызметкердің отбасына пәтер берілетін болды. Бұл туралы әкімдіктің баспасөз қызметі хабарлады. Жергілікті компаниялардың бірі марқұмның жанұясына 3 бөлмелі үй береді.
Айта кетейік, Абай облысындағы Үржар, Абай, Жарма, Бесқарағай, Ақсуат аудандары мен Семей қаласында дала өрті орын алды.
Жарма ауданындағы қызыл жалынды сөндіру кезінде 3 өрт сөндірушіні күйік шалып, жедел ауруханаға жеткізілген. Алайда оның бірі қайтыс болды. Марқұм Айдос Тоғызбаевтың артында әйелі мен бес баласы қалды.
Қайтыс болған өрт сөндіруші азаматтық қорғау органдарында 2019 жылдан бері еңбек еткен. 36 жастағы сержант ІІІ дәрежелі «Айбын» мемлекеттік наградасына ұсынылған.
