350
Танысына сенген Шымкент тұрғыны 500 мың теңгесінен айырылды. Жәбірленушінің айтуынша, ер кісіге бес жылдан бергі танысы колледжде оқыды деген диплом алып беруге көмектесетінін айтқан. Ол үшін қомақты қаржыны санап алған. Уақыт өте уәдесін орындамай, хабарсыз кеткен.
Қалалық Полиция департаментінің мәліметінше, тұрғынның арызы Қылмыстық кодекстің 190-бабы 1-бөлігімен (Алаяқтық) сотқа дейінгі тергеп-тексерудің бірыңғай тізіліміне тіркелді.
Жедел-іздестіру шарасы кезінде күдікті азамат тәулік ішінде қала аумағында ұсталды. Ол Кентау қаласының 24 жастағы тұрғыны болып шықты, жұмыссыз. Бұрын-соңды сотты болмаған.
Күдікті алған ақшаны жаратып жіберген екен. Сотқа дейінгі тергеу амалдары жүргізілуде.
