Қайырымдылық іс жасап, өзгелерге үлгі болып жүрген қазақстандықтарға мемлекет тарапынан арнайы атақ берілетін болды. Қазіргі таңда оның ережесі әзірленіп жатыр. Бұл туралы Орталық коммуникациялар қызметінде өткен брифингте Ақпарат және қоғамдық даму министрлігіне қарасты Азаматтық қоғам істері комитетінің төрағасы Мадияр Қожахмет айтты. Оның сөзінше, құрметті атақ тек бір ғана адам емес, ұйымдарға да беріледі.
«Қазіргі таңда құрметті атақ берудің ережесі мен талабы әзірленіп жатыр. Мұндай атақ жыл сайын байқау негізінде тағайындалады. Атақ жеке адамға немесе ұйымға берілуі мүмкін. Жасалынған игі істерді арнайы комиссия қарап, нәтижесінде құрметті атақ беру немесе бермеу туралы шешім қабылданады», — деді Азаматтық қоғам істері комитетінің төрағасы.
