Түркістан облысы, Қазығұрт ауданында «Газель» тізгіндеген жас жігіт көлігіне жалған мемлекеттік нөмір тағып алып жүрген. Ол жанармай құю бекетіне тоқтаған кезде полицейлердің көзіне түскен. Құжатын тексерген тәртіп сақшылары нөмірдің жалған екенін анықтаған.
Облыстық Полиция департаментіндегілер аталған жайт ҚР ҚК-нің 386-бабы 1-бөлігі «Көлік құралының сәйкестендіру нөмірін қолдан жасау, жою, көрінеу қолдан жасалған сәйкестендіру нөмірі бар көлік құралын өткізу» бойынша тіркелгенін хабарлады.
«Тексеру кезінде көлік жүргізушісі мемлекеттік нөмірді тауып алып, қызығып таққанын айтты. Оқиғаның толық мән-жайын полиция қызметкерлері тексеруде. Қазіргі таңда жүргізуші жігітке қатысты сотқа дейінгі тергеу амалдары жүргізіліп жатыр» деп атап өтті полициядан.
