364
Шығыс Қазақстан облысындағы Шемонаиха ауданы Первомайский кентінде күндізгі уақытта «Honda» маркалы мотоцикл жүргізушісі электр жарығын беру желісінің бағанына соқтығысты. Рөлді басқара алмай қалған 33 жастағы жүргізушісі алған ауыр дене жарақаттарынан оқиға орнында көз жұмды.
Аталған факті бойынша ҚР ҚК-нің 345-бабы 3-бөлігімен (Көлік құралдарын басқаратын адамдардың абайсызда адам өліміне әкеп соққан жол қозғалысы ережелерін бұзуы) сотқа дейінгі тергеу басталды.
«Қазіргі уақытта сотқа дейінгі тергеу бойынша бірқатар сот сараптамалары тағайындалды. Соның нәтижесіне сәйкес процессуалдық шешім қабылданатын болады» деп атап өтті облыстық Полиция департаментіндегілер.
