441
Жаңа оқу жылынан бастап қазақ тілінде білім алатын 1 сынып оқушылары «Әліппе» мен «Ана тілін» ғана оқиды. Ал орыс тілін 2 сыныптан, ағылшын тілін 3 сыныптан бастап меңгереді. Бұл туралы Оқу-ағарту министрлігінің 2022-2023 оқу жылына арналған аппарат жиналысында айтылды.
Ведомства мәліметінше, 5 — 11 сыныптарда вариативтік компонентке «Жаһандық құзыреттер» курсы енгізіледі. Әдістемелік нұсқау хатта вариативті компоненттегі сағаттарды ұтымды пайдалану, инклюзивті білім беруді жүзеге асыру, сыныптан тыс жұмыстарды ұйымдастыру бойынша нақты ұсыныстар көрсетілген.
Айта кетейік, жаңа оқу жылының ұзақтығы 1-сыныптарда 35 оқу аптасын, 2-11 сыныптарда – 36 оқу аптасын құрайды.
