Шығыс Қазақстан облысындағы «Үлкен-Нарын-Күршім» (2/133 км) автожолында жан түршігерлік жол апаты болды. «Toyota 4Runner» маркалы автокөлігінің 27 жастағы жүргізушісі Күршім ауданында жолдың көріну жағдайын ескермей қауіпсіз қозғалыс жылдамдығын таңдамай, жол жиегіне шығып кеткен. Салдарынан көлік аударылған.
Жол апатынан ауыр дене жарақаттарын алған төрт жолаушы ( 1963 жылы туған, 1969 жылы туған, 1979 жылы туған,1992 жылы туған ер адамдар) оқиға орнында қайтыс болды. Ал көлік жүргізушісі әртүрлі дене жарақаттарымен аудандық ауруханаға жатқызылды.
«Осы факті бойынша ҚР ҚК-нің 345 — бабы 4-бөлігі» (абайсызда екі немесе одан да көп адамның өліміне әкеп соққан, көлік құралдарын басқаратын адамдардың жол жүру ережелерін бұзуы) бойынша сотқа дейінгі тергеу басталды. Қазіргі уақытта сотқа дейінгі тергеу жүргізілуде, бірқатар сот сараптамалары тағайындалды. Нәтижелері бойынша процестік шешім қабылданатын болады» делінген облыстық Полиция департаментінің мәліметінде.
