363
Алаяқтықпен ақша жымқырған күдіктіні полиция жедел ұстады.
Абай аудандық Полиция бөліміне қаладағы қайырымдылық қорлардың бірінің өкілі арызданған. Ол өз шағымында, қордың атын жамылған белгісіз азаматтың 60 сауда нүктесінде орналасқан жәшіктердегі қаражатты заңсыз жолмен әлдекімнің иеленгенін көрсеткен. Яғни, ол сатушыларға өзін аталған мекеменің қызметкері ретінде таныстырып, сеніміне кіру арқылы 300 000 теңгеге жуық қаржыны жымқырған. Шағым түскен сәттен бастап, тәртіп сақшылары жедел іздестіру жұмыстарына кірісті. Іздестіру шараларының нәтижесінде күдікті жалдамалы пәтердің бірінен ұсталып, қамауға алынды. Қазіргі таңда, аталған жайт бойынша тергеу амалдары жүргізілуде.
