Биыл мегаполисте 240 мыңнан астам оқушы оқу жылын аяқтады. Бұл өткен жылмен салыстырғанда 1200 оқушыға көп.Шымкенттің 203 мектебінде түлектерге орта білім туралы аттестатты табыстау салтанаты өтті. Биыл қалада оқу жылын 242 525 оқушы аяқтаса, оның 11 189-ы мектеп бітірді.
Шымкент қаласының әкімі Мұрат Әйтенов түлектерді құттықтай отырып, балаларға ақ жол тіледі:
«Елімізде оқитын, білетін мектеп оқушылары үшін барлық жағдай жасалған. Шәкірт тәрбиелеуде, білім беруде, олардың адамгершілік рухын қалыптастыруда ұстаздардың еңбегі ерекше. Адамға өмірде дұрыс жол таңдауда еркіндік пен өзіне сенімділікті, табысқа жетуге, өз қабілетін жүзеге асыруға мүмкіндік беретін білім ғана. Қаламыздың барлық мектептерінде соңғы қоңырау соғылып, ұл-қыздарымыз болашақтың биік баспалдағына қадам басып жатыр. Өмірде жолдарың ашық болсын!»
8 мыңнан астам түлек ұлттық бірыңғай тестілеуге қатысты. Білім саласындағы мемлекеттік саясаттың нәтижесінде биылғы оқу жылында 500-ден астам оқушы халықаралық және республикалық байқауларға қатысты.
Айта кету керек, былтыр Шымкентте 25 мектеп салынса, биыл 17 мектептің құрылысы жоспарланып отыр. Үш ауысымды мектеп мәселесі келесі жылы толығымен шешіледі. Сонымен қатар, Оқушылар сарайы мен музыка мектебі салынып жатыр.
Бұл оқу жылы елімізде 20 жыл ішінде түлектердің рекордтық саны үшін аяқталды, деп хабарлайды ҚР Ұлттық статистика бюросы. Соңғы қоңырау 11 сыныптың 3 597 159 оқушысына соғылды. Сондай-ақ, ведомствода жалпы білім беретін мектеп педагогтары санының өскенін атап өтті. 2021-2022 оқу жылында олар 369 696 болды, салыстыру үшін: 10 жыл бұрын мектептерде 306 492 мұғалім жұмыс істеді.
