378
Шымкентте Тәуке хан даңғылы бойында орналасқан көпқабатты үйдің 3-қабатынан 25 жасар қыз құлап кеткен. Төтенше жағдайлар департаментінің мәліметінше, ол терезеден абайсызда құлап кетіп, тұрғын үйге жапсарлама салынған төменгі қабатта орналасқан «Имран» сауда үйінің шатырына түскен.
Оқиға бүгін таңғы уақытта орын алған.
«Жедел-құтқару жасақтың 4 құтқарушысы оқиға орнына жетіп, альпинисттік құралдарын пайдаланып, зардап шеккен азаматшаны (оң аяғы жабық сынық) шатырдан түсіріп алды. Оны жедел жәрдем қызметкерлеріне тапсырды»,-деді Шымкент қалалық төтенше жағдайлар департаментіндегілер.
