21 қыркүйекте Шымкент қаласы Әл-Фараби аудандық соты ШҚО бойынша Ішкі мемлекеттік аудит департаментінің басшысы Е.З.Мараимовке, камералдық бақылау бөлімінің басшысы А.М.Ағабекке, Шымкент қаласы бойынша Ішкі мемлекеттік аудит департаменті басшысының орынбасары Е.С.Тұрсынбековке және «KAZPROFSTROY HOLDING» ЖШС-ның құрылтайшысы К.К.Қожахметовке үкім шығарды.
Сыбайлас жемқорлыққа қарсы іс-қимыл агенттігі баспасөз қызметінің мәліметінше, сотталушылар «KAZPROFSTROY HOLDING» ЖШС мемлекеттік сатып алу қорытындылары бойынша жеңімпаз ретінде танылуына ықпал жасау үшін пара алу, беру және парақорлыққа делдал болу деректері бойынша айыпталған.
Сот үкімімен Е.З.Мараимов 8 жыл мерзімге, А.Ағабек 7 жыл 6 ай мерзімге, К.Қожахметов 7 жыл мерзімге бас бостандығынан айыру жазасын арқалады.
Осы үкіммен парақорлыққа делдал болу фактісі бойынша Е.С.Тұрсынбековке 2 жыл мерзімге бас бостандығынан айыру жазасы тағайындалды.
Сотталғандар мемелекеттік қызметтегі лауазымды атқару құқығынан өмір бойына айырылды. Үкім заңды күшіне енген жоқ.
