Қазақстанда тұмауға қарсы вакцина егу науқаны 3 қазанда басталады. Бұл туралы Денсаулық сақтау министрінің орынбасары Айжан Есмағамбетова Орталық коммуникациялар қызметінде өткен брифингте айтты.
Вице-министр өз сөзінде 19 қыркүйекте тұмау мен ЖРВИ бойынша санитариялық-профилактикалық, санитариялық-эпидемияға қарсы іс-шараларды жүргізу туралы қаулыға қол қойғанын атап өтті.
«Қаулыға сәйкес медициналық ұйымдар 3 қазаннан бастап тұмауға қарсы иммундау жұмысын бастауы тиіс. Оның ішінде тұмау және ЖРВИ-мен ауыратын науқастарды қабылдауға дайындығы пысықталып, зертханалардың зерттеу жүргізуге дайындығы қамтамасыз етілді. Тұмауға қарысы вакцинаны мемлекет есебінен, яғни тегін халықтың анағұрлым осал топтары алатынын ескерткім келеді. Сонымен қатар, вакцинациялау жұмыс берушілердің қаражаты мен халықтың жеке қаражаты есебінен жүреді. Вакцинация жеке орталықтар мен тұрғылықты жері бойынша емханаларда жүргізіледі»,- ол.
Тұмауға қарсы вакцинация жүргізетін медициналық мекемелердің мекенжайын аймақтық санитариялық-эпидемиологиялық бақылау департаменттерінен және денсаулық сақтау басқармаларынан білуге болады.
