Кентаулықтардың қуынышымен өңір әкімі Өмірзақ Шөкеев бөлісті.
— Мінеки, бүгін кентаулықтар үшін көптен күткен мәселе шешіліп, қалаға газ беріліп отыр. Кентаудың жылу мәселесі мені үнемі толғандыратын. Жаным ашитын. Басшы ретінде осы бастаманы қысқа мерзімде орындауға күш салып, қаржы мәселесін шешіп, компаниялармен келіссөз жүргізіп, сол межеге жетіп отырмыз. Жобаны жүзеге асыруда өте күрделі әрі ауқымды жұмыстар атқарылды. Бұл — Кентау қаласы тұрғындарының өмір сапасын арттырады. Қалаларыңызға газ еніп тұр. Енді тұрғындар бірлесіп әрекет етсе, әр үйге кезең-кезеңімен газ кіргізілетін болады, — деген Өмірзақ Шөкеев Ыбырай Алтынсарин көшесіндегі жеке тұрғын үйге газ кіргізу сәтіне қатысты.
Осы күні Кентаудағы арнайы экономикалық аймақта «Түркістан темірбетон» зауыты да өз жұмысын бастады.
